Réttarholtsskóli

Grunnskóli, 8.-10. bekkur

Réttarholtsvegur 21–25
108 Reykjavík

""

Skóladagatal Réttarholtsskóla

Hér finnur þú skóladagatal Réttarholtsskóla. Í skóladagatali eru skipulagsdagar skráðir ásamt öðrum mikilvægum upplýsingum fyrir foreldra og forráðamenn.

Matur í grunnskólum

Flestir grunnskólanemendur eru í mataráskrift. Skólamatur kostar það sama í öllum skólum. Ekki þarf að greiða mataráskrift fyrir fleiri en tvö börn frá sama heimili.

Um Réttarholtsskóla

Réttarholtsskóli er safnskóli á unglingastigi með um 440 nemendur í 8.-10. bekk sem flestir koma úr BreiðagerðisskólaFossvogsskóla og Hvassaleitisskóla. Í skólanum leggjum við sérstaka áherslu á góð tengsl milli nemenda, foreldra og starfsfólks. Skólinn hefur alla tíð lagt áherslu á að nemendur finni að starfsfólk ber umhyggju fyrir þeim og virðir þá sem einstaklinga en jafnframt því væntum við mikils af nemendum hvað varðar námsástundun og framkomu. Einkunnarorð skólans eru virðing, virkni, vellíðan en með því undirstrikar skólinn þá trú að vellíðan er undirstaða árangurs og að allir í skólasamfélaginu sýni og mæti virðingu í öllum samskiptum. Félagsmiðstöðin Bústaðir býður upp á fjölbreytt og skemmtilegt starf fyrir nemendur skólans. 

Farsæld barna

Ný lög um samþætta þjónustu í þágu farsældar barna hafa tekið gildi. Markmiðið er að tryggja að börn og forsjáraðilar fái rétta aðstoð, á réttum tíma, frá réttum aðilum. Fjölskyldum og börnum sem þurfa snemmtækan stuðning er tryggður aðgangur að tengilið farsældar í nærumhverfi barnsins, svo sem í leikskóla eða grunnskóla. Tengiliður farsældar veitir upplýsingar og leiðbeiningar um þjónustu og stuðlar að því að börn og forsjáraðilar hafi aðgang að þjónustu án hindrana. Til að óska eftir samþættri þjónustu geta börn, ungmenni og forsjáraðilar haft samband við tengilið farsældar.

Tengiliðir Réttarholtsskóla eru: Hildur Ýr Hjálmarsdóttir og Linda Heiðarsdóttir

Nánari upplýsingar um lögin og þjónustuna eru á heimasíðunni farsaeldbarna.is​

Stjórnendateymi Réttarholtsskóla

Skólastjóri er Margrét Sigfúsdóttir (í leyfi skólaárið 2023-2024)

Stjórnendateymi skólaárið 2023-2024

Skólastarf

Starfsáætlun

Hvað er framundan í Réttarholtsskóla? Í starfsáætlun finnur þú meðal annars stefnu skólans fyrir síðasta ár, skipulag kennslu og ótalmargt fleira. 

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í skólum borgarinnar er markvisst unnið að því að auka samráð við foreldra og styrkja aðkomu þeirra að skólastarfi. Foreldrafélag  er starfrækt í öllum skólum Reykjavíkurborgar.

 

Öflugt foreldrafélag er starfandi við Réttarholtsskóla og fundar stjórn félagsins mánaðarlega með stjórnendum skólans og félagsmiðstöðvarinnar Bústaða. 

Stjórn foreldrafélags Réttarholtsskóla

  • Guðrún Elísabet Ómarsdóttir formaður
  • Jón Valdimarsson varaformaður
  • Sigrún Jóhanna Marteinsdóttir gjaldkeri
  • Íris Ösp Sveinbjörnsdóttir ritari
  • Sigrún Lilja Sigmarsdóttir
  • Tryggvi Davíðsson
  • Katrín Sif Michaelsdóttir

Skólaráð

Við Réttarholtsskóla er starfandi skólaráð eins og lög gera ráð fyrir. Í skólaráði sitja skólastjórnendur, tveir fulltrúar foreldra, tveir fulltrúar nemenda, tveir fulltrúar kennarahópsins og einn fulltrúi almennra starfsmanna. Auk þeirra situr einn fulltrúi grenndarsamfélagsins í skólaráði.

 

Skólahverfi Réttarholtsskóla

Í Reykjavík eru mörg skólahverfi og barnið þitt hefur forgang í sinn hverfisskóla. Engu að síður eiga allir foreldrar kost á að sækja um skóla fyrir börn sín hvar sem er í borginni samkvæmt reglum um skólahverfi, umsókn og innritun. Hér finnur þú upplýsingar um hvaða götur tilheyra skólahverfi Réttarholtsskóla.

Er barnið þitt að byrja í grunnskóla?

Á þessari síðu færðu gagnlegar upplýsingar um skólabyrjun. Eins og til dæmis hvað börnin þurfa að taka með sér í skólann og hvort börnin fái mat á skólatíma.